nomadkurso

Ĉefpaĝo » Posts tagged 'grupo'

Tag Archives: grupo

La grupo kaj la projekto

LA PROJEKTO

mapo de Nomad'Kurso

Vidu nian programon: Itinéraire projet (franclingva)index

Antaŭ kelkaj jaroj, ideo naskiĝis ĉe iuj pro la grava problemo de granda parto de esperantistoj: superigi la komencantan nivelon. Aliparte, multaj esperantistoj ne aŭdacas sole viziti fremdajn landojn.

La ideo do kiu venis en kelkajn kapojn estas viziti Esperantujon grupe kaj plibonigi ĉies Esperantonivelon, uzante tiun lingvon kiel eble plej ofte, ne nur kun la lokaj esperantistoj sed ankaŭ kun la aliaj grupanoj. Plie, ĉiutage kursoj okazos, gvidataj de iu fama instruisto.

La nura kondiĉo estas iomete lerni Esperanton antaŭ la vojaĝo por ne droni en malaktiva partopreno.

LA GRUPO

Tiun jaron, Malagasujo estas la celo de nia vojaĝo. Dek kvar personoj de tri malsamaj niveloj partoprenas la kursojn kun la  instruisto.

Kvar aliaj personoj akompanos nin. Ili estas malagasaj kaj zorge antaŭpreparis nian alvenon kaj  faciligos nian iradon kaj restadon. Ĉiuj ĝojas vojaĝi kune, en amika etoso.

Verkita de Marie

Henriel kaj Sylviane

Henriel kaj Sylviane

IMG_2472

Li nomiĝas Henriel, li loĝas en Malagasujo, li estas instruisto pri esperanto por la grupo “Esperanto Plus”, kaj estras la klubon « IEK » (Itaosy Esperanta Klubo). Li redaktas gazeton en Esperanto, kiu nomiĝas « Panorama de la granda insulo ». Vi povas aboni al tiu gazeto kiu aperas ĉiumonate, krom en julio kaj aŭgusto. Ĝi kostas 30 €-n.

Li edziĝis kun Sylviane kaj ili naskis 4 filojn. Lia edzino estas komercistino. Ŝi vendas jogurtojn kaj lokajn fromaĝojn kun la unua filo “Nambinina” kiu bakas kukojn. En la fino de nia vojaĝo ni renkontis ilin en Itaosy kun ĉiuj klubanoj.

093

Verkita de Anne

Amapola

Amapola

IMG_0115

Mia amikino nomiĝas Amapola Triguero. Ŝi havas mirindan nomon ĉar la soneco estas agrabla kaj signifas “Papaveton” en la hispana lingvo. Estas malofta nomo ĉar ne katolika! La gepatroj de Amapola vivis en Hispanujo sed ili renkontis unu la alian en Francujo, kien ili alvenis dum la kvindekaj jaroj.

Ŝi vivis dek jarojn en Ménilmontant (kvartalo de Parizo) kaj poste, kiam ŝi dudek tri jarojn aĝis, ŝi translokiĝis en Bretonion al Sanbriego.

Ŝi estas la patrino de du filoj. Ŝi laboris pri akvokvalito por riveroj, lagoj, trinkeblaj akvoj kaj naĝejoj. Hodiaŭ ŝi estas emeritino.

En 2010 ŝi partoprenis la Universalan Kongreson en Kubo. La esperanta movado postulas al ŝi multe da laboro ĉar ŝi estas membro de la “Armor Esperanta Asocio” kaj ŝi zorgas pri la libroservo en Sanbriego. Tamen ŝi havas tempon por ĝardenumi kaj ŝi rikoltas la plej belajn kaj la plej bongustajn terpomojn de Sanbriego.

IMG_2126

Verkita de Florence

Laurent

Laurent

IMG_0764

Laurent devenas de la ĉirkaŭaĵo de Parizo sed loĝas en Sanbriego en Bretonio de 30 jaroj.

Li emeritiĝis de 7 jaroj. Li deĵoris kiel socia laboristo en malsimilaj postenoj. Laurent ŝategis sian laboron dum sia tuta laborvivo.

Flanke de tio, li eklernis Esperanton en 2000 danke al la « asimila metodo » antaŭ ol aliĝi al klubo. Nun, li instruas al komencantoj kaj progresantoj per la rekta metodo.

Krom tio, li estas tre ĝoja avo kun siaj genepoj.

Laurent ŝategas kanti, teatrumi, ludi gitaron kaj estas tre agrabla voĵaĝa kunulo.

IMG_2128

Verkita de Michel

Michel

Michel

DSCN0451

Michel, la kunulo de Florence, loĝas en Tarno, en vilaĝo kiu nomiĝas « Garrigues », apud « Lavaur » (kiu estas ĝemelita kun « Ambalavao »). Li estas emerito de kelkaj jaroj. Li estas urbestrarano kaj respondecas interalie pri la plantaĵoj en sia vilaĝo. Ĉar la municipo ne havas sufiĉan budĝeton por dungi ĝardeniston, Michel mem plantas kaj ĝardenumas en Garrigues.
Fakte ĉiuj plantaĵoj ege interesas Michel kaj dum la vojaĝo, li ofte informis la aliajn partoprenantojn pri la plantaĵoj kaj starigis demandojn pri la nekonataj plantaĵoj.

Familie, Michel havas du filojn kaj du genepojn.

Profesie, Michel unue studis kaj laboris kiel edukisto por handikapuloj. Sed post deko da laborjaroj kun aŭtismuloj, li decidis ŝanĝi sian laboron kaj restudis la hortikulturon kaj trovis novan laboron en germana firmao kiel hortikulturan komerciston en la suda parto de Francujo por vendi torfon kaj humteron.

Michel esperantistiĝis ekde deko da jaroj kaj partoprenis la vojaĝon de Nomadkursoj en Afriko, antaŭ du jaroj.

075

Verkita de Laurent