nomadkurso

Ĉefpaĝo » Vizititaj lokoj » Mangily

Mangily

Lastaj komentoj

ROTELLINI Evelyne pri Konkludo

Mangily

P1010240

Ni tranoktis en la vilaĝo de Mangily, proksime de Morondava. La restadejon Tsaravahiny (kiu signifas bonegajn gastojn kai gastigantojn) kreis la asocio Belgique-Madagascar (ABM). Ĝi subtenas projektojn pri kampâra disvolviĝo kun la loĝantoj. Tiuj projektoj respondu al la bezonoj de la loĝantaro.

Niaj gastigantoj nomiĝas Priska kaj Fred. Ili havas filon nomatan Miky. En tiu loko laboras tri kuiristinoj kaj tri gvidistoj.

IMG_mangily

Aliaj personoj de la vilaĝo laboras kadre de la aktivaĵoj proponitaj al la gastoj: promenado per piragoj en la mangrovo, korboplektaĵo, promenado por malkovri la bestaron kaj vegetaĵaron, ktp.

En la vilaĝo loĝas 600 personoj. La ĉefaj vivrimedoj estas krabkaptado, kultivado kaj korboplektado.

Ni tranoktis kaj manĝis en tradiciaj, sed grandaj konstruaĵoj, kun muroj el argilbrikoj kaj tegmento el palmofolioj.

Krom por trinki, ni uzas akvon el puto. La puto estas ĉefa renkontejo. En la loko ni renkontis aliajn geamikojn: blatojn, skorpiojn, skarabojn, lacertojn, miriapodojn, serpentojn kaj kulojn.

Diversaj anekdotoj:

La aventuro komenciĝis la vesperon kiam ni alvenis. Noktis. Kelkajn centojn da metroj antaŭ la enirejo de la tranoktejo, la aŭtobusradoj ensabliĝis, do ni devis elbusiĝi por puŝi ĝin je kelkaj metroj.

Du foje ni manĝis krabaĵon kaptitan matene.

P1010110

La lastan nokton okazis fulmotondro. En ĉiuj terkabanoj pluvis sur litoj, kiujn ni devis movi.

Priska iris al la bazaro per ĉaro tirata de zebuoj por aĉeti varojn por niaj manĝoj. La veturado daŭras 5 horojn.

Evelyne kaj Jopo instruis Esperanton kaj donis librojn al Fred kaj Priska.

IMG_7628

Do ni reklamu al esperantistoj pri tiu loko, kiu tre plaĉis al ni.

IMG_baobab

 

Verkita de Eva


Respondi

Entajpu viajn informojn sube aŭ alklaku piktogramon por ensaluti:

WordPress.com Logo

Vi komentas per via konto de WordPress.com. Elsaluti /  Ŝanĝi )

Google photo

Vi komentas per via konto de Google. Elsaluti /  Ŝanĝi )

Twitter picture

Vi komentas per via konto de Twitter. Elsaluti /  Ŝanĝi )

Facebook photo

Vi komentas per via konto de Facebook. Elsaluti /  Ŝanĝi )

Connecting to %s

%d blogantoj ŝatas tiun ĉi: